آپ کے بدلنے یا نہ بدلنے کا فیصلہ

 فرعون کی بیوی نےخود کو تب بدلا جب وہ خدائی کا دعویٰ کرنے والے کے محل میں تھی ۔ نوح علیہ السلام کے بیٹے نے اس وقت بھی خود کو بدلنے سے انکار کردیا جب وہ ایک نبی کے گھر میں تھا

دنیا کا سچا قانون

یہ دنیا کا سچا قانون ہے. پودے کو پانی نہ دو... مرجھا جائے گا. رشتے کو وقت نہ دو... مرجھا جائے گا. جذبے کو محنت نہ دو... مرجھا جائے گا. خواب کو یقین نہ دو... مرجھا جائے گا. ہم سب مرجھا رہے ہیں

قرآن کے ذریعے تخیل کو پرواز دیں

 قرآن کریم میں کئی مقامات ایسے ہیں جہاں تفسیر سے زیادہ تخیل کی ضرورت ہوتی ہے یعنی آیت پر رُک کر سوچنا اور اپنے آپ کو اُس منظر میں لے جانا جہاں وہ واقعہ پیش آ رہا تھا۔ سچ تو یہ ہے کہ ہم اپنے تخیل کو قرآن کے ساتھ پرواز

مصلٰی جبرائیل

 ​یہ تاریخی مقام خانہ کعبہ کے پاس اس جگہ واقع ہے جہاں سفرِ معراج کے بعد سیدنا حضرت جبرائیل علیہ السلام نے حضور اکرم صلی اللہ علیہ وآلہ وسلم کو پنجگانہ نمازوں کے اوقات کا شرعی تعین

چار عجیب باتیں

حسن بصری رحمتہ اللہ علیہ فرماتے تھے کہ مجھے چار واقعات زندگی میں بڑے عجیب لگے۔ آپ نے فرمایا۔

1۔ ایک نوجوان کے ہاتھ میں چراغ تھا تو میں نے نوجوان سے سوال کیا کہ بتاؤ یہ روشنی کہاں سے آئی تو جیسے ہی میں نے یہ پوچھا کہ یہ روشنی کہاں سے آئی

صحابیہ جلیلہ حضرت دُرّہ بنت ابی لہب رضی اللہ عنہا

 کیا آپ نے اس سے پہلے صحابیہ جلیلہ حضرت دُرّہ بنت ابی لہب رضی اللہ عنہا کے بارے میں سنا ہے؟

وہ رسول اللہ ﷺ کی چچا زاد بہن ہیں۔

ان کے والد ابو لہب اور ان کی والدہ 'حمالۃ الحطب' (ام جمیل، آگ کا ایندھن اٹھانے والی) ہیں، اور ان کے دو بھائی عتبہ اور عتیبہ ہیں…

رب کی خوبصورت صفت

 اور پتہ ہے رب کی خوبصورت صفت کیا ہے؟؟

جب ہم غفلتوں کے ٹوکرے اٹھا کر اسکے در پہ جاتے ہیں تو وہ رد نہیں کرتا پھٹکار نہیں دیتا پچھلی توبہ نہیں یاد کرواتا بھگا نہیں دیتا وہ تو دل دیکھتا ہے نیتوں کو پڑھتا ہے ندامت کو دیکھتا ہے بندگی کو بھانپ لیتا ہے

قرآن مجید اورانسان

 قرآن مجید میں ایسی چھ حالتوں کا ذکر آیا ہے جن کے ہوتے ہوئے انسان کبھی بدبخت یا شقی (ناکام) نہیں ہو سکتا۔ ہم اللہ تعالیٰ سے دعا کرتے ہیں کہ وہ ہمیں ان پر عمل کرنے کی توفیق عطا فرمائے

حضرت موسیٰ علیہ السلام اور گناہ گار شخص

 حضرت موسیٰ علیہ السلام کے زمانے میں ایک گنہ گار شخص تھا ، جس سے لوگوں نے بیزار ہو کر اس کو اپنے شہر سے نکال دیا ۔ وہ ایک ویرانے میں رہنے لگا تھا اور جب اس کی موت کا وقت ہوا اور وہ

تکبر - اصل قاتل

 تکبر - اصل قاتل  

 نمرود، وہ شخص جس نے خود کو خدا کہلوانا شروع کر دیا تھا، ایک وقت آیا کہ ایک معمولی سے مچھر کے سامنے بے بس ہو کر رہ گیا۔ اس کی ساری طاقت، غرور، لشکر اور شان و شوکت سب مٹی میں

سورۃ ق قرآن کریم کی عظیم ترین سورت

 سورۃ ق قرآن کریم کی عظیم ترین سورتوں میں سے ایک سورۃ جو دل کو بیدار کرتی ہے، ایک ایسی سورۃ ہے جو ان مناظر سے بھری ہوئی ہے جو انسان کو اس حقیقت کی یاد دلاتے ہیں

سیرتِ نبوی ﷺ میں چار مشہور نام

سیرتِ نبوی ﷺ میں چار مشہور نام 

 تحریر : مفتی مصطفی عزیز 

سیرتِ نبوی ﷺ پڑھتے وقت بعض نام بار بار سامنے آتے ہیں۔

کبھی “اَبُو سُفْیَان” کا ذکر ہوتا ہے، کبھی “سُفْیَان بن حَارِث” کا، اور کبھی “اَبُو جَہْل” اور “اَبُو لَہَب” کا۔

ﻣﺎﮞ " ﺍﻟﻠﮧ ﭘﺎﮎ " ﮐﯽ ﺳﺐ ﺳﮯ ﻋﻈﯿﻢ ﻧﻌﻤﺖ ﮨﮯ

 ﺳﻤﻨﺪﺭﮐﻨﺎﺭﮮ ﺍﯾﮏ ﺩﺭﺧﺖ ﺗﮭﺎ ﺟﺲ ﭘﮧ ﭼﮍﯾﺎ ﮐﺎ ﮔﮭﻮﻧﺴﻼ ﺗﮭﺎ ﺍﯾﮏ ﺩﻥ ﺗﯿﺰ ﮨﻮﺍ ﭼﻠﯽ ﺗﻮ ﭼﮍﯾﺎ ﮐﺎ ﺑﭽﮧ ﺳﻤﻨﺪﺭ ﻣﯿﮟ ﮔﺮﮔﯿﺎ ﭼﮍﯾﺎ ﺑﭽﮯ ﮐﻮ ﻧﮑﺎﻟﻨﮯ ﻟﮕﯽ ﺗﻮ ﺍُﺳﮑﮯ ﺍﭘﻨﮯ ﭘﺮ ﮔﯿﻠﮯ ﮨﻮﮔﺌﮯ ﺍﻭﺭ ﻭﮦ ﻟﮍﮐﮭﮍﺍ ﮔﺌﯽ ....۔۔

ﺍُﺱ ﻧﮯ ﺳﻤﻨﺪﺭ ﺳﮯ ﮐﮩﺎ

معاف کرنا کیوں ضروری ہے؟

 اکثر ہم دوسروں کی غلطیوں کو دل پر لگا لیتے ہیں، اور ان کو معاف نہ کرنے کی وجہ سے دل میں بوجھ رکھتے ہیں۔ مگر اصل نقصان ہمیں خود ہوتا ہے، کیونکہ غصہ اور کینہ ہمارے دل کا سکون چھین لیتا ہے۔ 💔

🔑 معاف کرنا ضروری ہے

خانہ کعبہ کا طواف اینٹی کلاک وائز کیوں ہوتا ہے؟

ایسی حقیقت کہ دل بے اختیار “سبحان اللہ” پکار اٹھے…

پیارے دوستو…

اس پوری کائنات میں ہر چیز ایک خاص نظام کے تحت حرکت کر رہی ہے۔ زمین سورج کے گرد گھوم رہی ہے، چاند زمین کے گرد گردش کر رہا ہے، کہکشائیں اپنے مدار میں سفر کر رہی ہیں، حتیٰ کہ ایٹم کے اندر موجود ننھے ذرات بھی مسلسل حرکت میں ہیں۔ حیران کن بات یہ ہے کہ ان میں سے اکثر کی گردش ایک ہی سمت میں ہوتی ہے… اینٹی کلاک وائز۔

اور یہی وہ سمت ہے جس میں مسلمان خانہ کعبہ کا طواف کرتے ہیں۔

جب لاکھوں انسان دنیا کے کونے کونے سے مکہ مکرمہ پہنچتے ہیں اور ایک ہی مرکز کے گرد محبت، عقیدت اور عاجزی کے ساتھ گھومتے ہیں تو وہ منظر صرف آنکھوں کو نہیں بلکہ روح کو بھی ہلا دیتا ہے۔ انسان محسوس کرتا ہے جیسے وہ خود کو اس عظیم کائناتی نظام کا حصہ بنا چکا ہو۔ جیسے اس کے دل کی دھڑکن بھی اسی نظام کے ساتھ جڑ گئی ہو۔

جو لوگ طواف کر چکے ہیں وہ اکثر ایک عجیب کیفیت بیان کرتے ہیں۔ وہ کہتے ہیں کہ طواف کے دوران دل پر سکون اترنے لگتا ہے، آنکھیں نم ہو جاتی ہیں، اور انسان دنیا کے ہر غم، ہر پریشانی اور ہر شور کو بھول جاتا ہے۔ صرف اللہ یاد رہتا ہے۔

کچھ لوگ اسے روحانی کشش کہتے ہیں، کچھ ایمان کی طاقت… مگر حقیقت یہ ہے کہ خانہ کعبہ کے سامنے کھڑے ہو کر انسان خود کو بہت چھوٹا اور اللہ کو سب سے بڑا محسوس کرتا ہے۔

آج جب دنیا بے سکونی، جنگوں، نفرتوں اور خوف میں گھری ہوئی ہے، ایسے وقت میں کعبہ کا منظر انسانیت کو ایک عظیم سبق دیتا ہے۔ وہاں نہ کوئی امیر ہوتا ہے نہ غریب، نہ کوئی بادشاہ نہ فقیر۔ سب ایک ہی لباس میں، ایک ہی رب کے سامنے، ایک ہی دائرے میں گھوم رہے ہوتے ہیں۔ یہی اسلام کا حسن ہے… یہی بندگی کی اصل روح ہے۔

طواف کے سات چکر صرف ایک عبادت نہیں بلکہ انسان کے دل کی تربیت ہیں۔ ہر چکر کے ساتھ انسان اپنے گناہوں کی معافی مانگتا ہے، اپنے رب سے قریب ہوتا ہے اور اپنے دل کا بوجھ ہلکا کرتا جاتا ہے۔

بہت سی اسلامی روایات میں “بیت المعمور” کا ذکر بھی ملتا ہے جہاں فرشتے اللہ کی عبادت میں مصروف رہتے ہیں۔ اسی لیے بہت سے لوگ طواف کو صرف زمین کی عبادت نہیں بلکہ آسمانوں سے جڑی ایک مقدس عبادت سمجھتے ہیں۔

شاید یہی وجہ ہے کہ جب انسان خانہ کعبہ کے گرد اینٹی کلاک وائز گھومتا ہے تو اسے یوں محسوس ہوتا ہے جیسے پوری کائنات کے ساتھ مل کر اپنے رب کی تسبیح کر رہا ہو…

سبحان اللہ ❤️

گناہوں کے دنیاوی نقصانات:

 گناہوں کے دنیاوی نقصانات:

رزق میں تنگی اور برکت کا خاتمہ:

 گناہ رزق کو کم کر دیتے ہیں اور حاصل شدہ نعمتوں میں

انہیں کوئی فرق نہیں پڑتا

 انہیں کوئی فرق نہیں پڑتا اگر عمر (رضی اللہ عنہ) انہیں نہیں پہچانتے!

تاریخ طبری میں مروی ہے کہ:

جب اللہ تعالیٰ نے 'نہاوند' کی فتح مکمل فرما دی، تو سائب بن اقرع، حضرت عمر بن خطاب رضی اللہ عنہ کے پاس آئے،

اور کہا: "اے امیر المؤمنین! فتح کی خوشخبری

ہابیل اور قابیل کا واقعہ __!!

 ہابیل اور قابیل کا واقعہ __!! 

تاریخ کے علماء کا بیان ہے کہ حضرت حوا رَضِیَ اللہُ تَعَالٰی عَنْہا کے ہر حمل میں ایک لڑکا اور ایک لڑکی پیدا ہوتے تھے۔ اور ایک حمل کے لڑکے کا دوسرے حمل کی لڑکی کے ساتھ

عاجزی اختیار کریں، بلندی پائیں گے!

 عاجزی اختیار کریں، بلندی پائیں گے!

ابن الجوزی کی کتاب "صفت الصفوۃ" میں ہے:

سفیان بن عیینہ نے فرمایا: جس نے یہ سمجھا کہ وہ دوسروں سے بہتر ہے، اس نے تکبر کیا!

اے میرے احباب: 

اسلاف کو بلندی اس لیے ملی کہ

دنیا اور ہم

یہ وہی دنیا ہے جس نے یوسف علیہ السلام کو کنویں میں پھینکا، پھر حقیر قیمت پر بیچ ڈالا، جس کا گناہ صرف یہ تھا کہ وہ حسین تھا، سچا تھا، محبوب تھا،

یہ وہی دنیا ہے جس نے ابراہیم علیہ السلام کو آگ میں پھینک دیا، صرف اس لئے کہ انہوں نے کہا:

"میرا رب اللہ ہے"، آگ بھی ٹھنڈی ہو گئی، مگر لوگوں کے دل نہ پگلے،

یہ وہی دنیا ہے جس نے موسیٰ علیہ السلام کو مصر سے نکال دیا، دربدر کر دیا،اور فرعون کے لشکر کو ان کے پیچھے لگا دیا، ان کا قصور صرف یہ تھا کہ وہ ظلم کے خلاف کھڑے ہو گئے،

یہ وہی دنیا ہے جس نے محمد رسول اللہ صلی اللہ علیہ والہ وسلم کو طائف میں پتھر مارے، یہاں تک کہ جوتے مبارک خون سے بھر گئے، انہوں نے معافی مانگی، بدعا نہ دی، اور یہی دنیا تھی جس نے آپ صلی اللہ علیہ والہ وسلم پر جادو گر، مجنون، جھوٹے الزام لگائے،

دنیا سچے لوگوں کو کبھی کندھوں پر نہیں اٹھاتی،

وہ انہیں ٹھوکریں مارتی ہے،کیونکہ سچ ان کی جھوٹی عمارت کو ہلا دیتا ہے، دنیا مخلص لوگوں کو سر پر نہیں بٹھاتی، وہ انہیں تنہا کر دیتی ہے، کیونکہ مخلص لوگ اس کے حساب کتاب بگاڑ دیتے ہیں،

اگر تم نے یوسف علیہ السلام کا راستہ چنا ہے، تو کنویں کے لیے تیار رہو، اگر تم نے موسیٰ علیہ السلام کا راستہ چنا ہے، تو دربدر ہونےکے لیے تیار رہو،

اگر تم محمد صلی اللہ علیہ والہ وسلم کا راستہ چنا ہے، تو طائف کے پتھروں کے لیے تیار رہو،

جو دنیا نے انبیاء کے ساتھ کیا، وہ تمہارے ساتھ کیا نہیں کرے گی؟ تم کون ہو جو اس سے وفا کی امید رکھو؟

امید اس سے باندھو جس نے یوسف علیہ السلام کو کنویں سے نکال کر تخت پر بیٹھایا،

امید اس سے باندھو جس نے ابراہیم علیہ السلام کے لیے آگ کو گلزار بنا دیا،

امید اس سے باندھو جس نے موسیٰ علیہ السلام کے لیے سمندر چیر دیا،

امید اس سے باندھو جس نے نبی کریم صلی اللہ علیہ والہ وسلم کو طائف کے بعد فتح مکہ عطا کی،

یہ دنیا تمہیں گرائے گی، وہ اٹھائے گا، دنیا تمہیں اکیلا کرے گی، وہ ساتھ دے گا، دنیا تمہیں بھولے گی،

وہ یاد رکھے گا،

دنیا کا کام ہے آزمانا، تمہارا کام ہے ثابت قدم رہنا،

دنیا کا کام ہے پتھر مارنا، تمہارا کام ہے مسکرا کر دعا دینا:

"اے اللہ ان کو ہدایت دے، یہ جانتے نہیں"،

سماعت علم اور ہدایت کا دروازہ

قرآن مجید میں سماعت کو بصارت سے پہلے کیوں ذکر کیا گیا ہے ؟

 ایک قلبی کیفیت اور قرآنی راز ہم روزانہ کتنی ہی ایسی نعمتوں کے ساتھ جیتے ہیں جن کی عظمت کا ہمیں احساس تک نہیں ہوتا۔ ہم اپنے اردگرد آوازیں سنتے ہیں، چہرے اور روشنیاں دیکھتے ہیں، اور پھر ان کے پاس سے یوں گزر جاتے ہیں جیسے یہ کوئی معمولی بات ہو۔ لیکن قرآنِ کریم غافل کو بیدار کرتا ہے، اور ہمیں سکھاتا ہے کہ ہر نعمت کے پیچھے ایک حکمت ہے، اور (الفاظ کی) ہر تقدیم و تاخیر (آگےپیچھے ہونا) کے پیچھے ایک اعجاز ہے۔

اللہ تعالیٰ کا فرمان ہے:

﴿وَاللَّهُ أَخْرَجَكُم مِّن بُطُونِ أُمَّهَاتِكُمْ لَا تَعْلَمُونَ شَيْئًا وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ لَعَلَّكُمْ تَشْكُرُونَ﴾

ترجمہ: "اور اللہ ہی نے تمہیں تمہاری ماؤں کے پیٹوں سے نکالا کہ تم کچھ نہ جانتے تھے، اور اس نے تمہارے لیے کان اور آنکھیں اور دل بنائے تاکہ تم شکر گزار بنو۔"

غور فرمائیے... اللہ تعالیٰ نے قرآن کے اکثر مقامات پر سماعت (سننے) کو بصارت (دیکھنے) پر مقدم رکھا ہے، کیونکہ سماعت وہ پہلی کھڑکی ہے جس کے ذریعے انسان زندگی کا ادراک کرتا ہے۔ یہ وہ حاسہ ہے جو (پیدائش سے بھی پہلے) جلد شروع ہو جاتا ہے، اور اس کا اثر اندھیرے میں بھی باقی رہتا ہے، یہاں تک کہ آنکھیں بند کر لینے کے بعد بھی۔

ہم دیکھ نہیں رہے ہوتے مگر سن سکتے ہیں... لیکن اگر روشنی کٹ جائے تو ہم دیکھ نہیں سکتے۔

مزید یہ کہ  سماعت علم اور ہدایت کا دروازہ ہے، اسی کے ذریعے آیات کی تلاوت سنی جاتی ہے، اسی سے وحی سنی جاتی ہے، اور اسی کے ذریعے نصیحت دل میں اترتی ہے۔ اسی لیے اللہ نے فرمایا:

﴿إِنَّ اللَّهَ هُوَ السَّمِيعُ الْبَصِيرُ﴾

ترجمہ: "بے شک اللہ ہی سب کچھ سننے والا اور دیکھنے والا ہے۔"

قرآن کے لطائف میں سے ایک یہ بھی ہے کہ صرف دو مقامات پر بصارت (دیکھنے) کو سماعت پر مقدم کیا گیا، اور وہاں بھی ایک عظیم حکمت ہے:

سورہ الکہف میں:

﴿أَبْصِرْ بِهِ وَأَسْمِعْ﴾

کیونکہ اصحابِ کہف لوگوں کی نظروں سے چھپ گئے تھے، لیکن وہ اللہ کی نظر (بصارت) سے اوجھل نہیں تھے۔

سورہ السجدہ میں:

﴿رَبَّنَا أَبْصَرْنَا وَسَمِعْنَا﴾

جب مجرم قیامت کے دن اپنی آنکھوں سے حقائق دیکھ لیں گے، تو یہاں دیکھنے کو پہلے ذکر کیا گیا کیونکہ اس وقت منظر ایسا یقینی ہوگا جس میں کسی جدال کی گنجائش نہ ہوگی۔

سبحان اللہ! الفاظ کی یہ ترتیب بھی ہدایت ہے، اور حروف کی یہ تقدیم و تاخیر بھی رحمت ہے۔ ہر لفظ اس "حکیم و علیم" کے ترازو میں تول کر رکھا گیا ہے۔

پس جب تم قرآن سنو، تو سماعت کی نعمت پر اللہ کا شکر ادا کرو۔

جب تم اپنے پیاروں کے چہرے دیکھو، تو بصارت کی نعمت پر شکر ادا کرو۔

اور جب تمہارا دل تدبر اور سمجھ بوجھ حاصل کرے، تو دل کی نعمت پر شکر بجا لاؤ۔

اے اللہ! مجھ پر سماعت، بصارت اور عافیت کی نعمتیں ہمیشہ برقرار رکھ، اور مجھے غافل لوگوں میں شامل نہ کر

اے اللہ! تمام مومن مردوں اور عورتوں کو جب تک وہ زندہ ہیں ان کی سماعت، بصارت اور قوت سے نفع پہنچا، اور انہیں اپنی نعمتوں کا شکر گزار بنا۔ 

دعا گو: ثناءاللہ حسین ۔9/5/26.

عطاء" اور "ایتاء" کے درمیان کیا فرق

اللہ تعالیٰ کا فرمان ہے:

(إِنَّا أَعْطَيْنَاكَ الْكَوْثَرَ) "بیشک ہم نے آپ کو کوثر عطا کر دی۔"

جبکہ سورہ آلِ عمران میں ارشاد باری تعالیٰ ہے:

(قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ...)

"آپ کہیے کہ اے اللہ! اے بادشاہی کے مالک، تو جسے چاہے بادشاہی دیتا ہے اور جس سے چاہے بادشاہی چھین لیتا ہے..."

لفظ "عطاء" اور "ایتاء" کے درمیان کیا فرق ہے؟

سورہ آلِ عمران میں اللہ تعالیٰ نے (تُؤْتِي الْمُلْكَ) فرمایا اور (تعطي الملك) نہیں کہا، کیونکہ لفظ "عطاء" (دینا) اس "نزع" (واپس چھین لینے) کے تصور سے متصادم ہے جس کا ذکر اسی آیت میں آگے آ رہا ہے۔

آیت کریمہ میں ذکر ہے کہ اللہ جس سے چاہتا ہے بادشاہی چھین لیتا ہے، لہٰذا یہاں "ایتاء" (دینا) کا لفظ استعمال ہوا، کیونکہ "ایتاء" ایسی عطا یا منحت ہے جسے واپس لیا جا سکتا ہے۔

جہاں تک "عطاء" کا تعلق ہے، تو یہ ایسی بخشش یا ملکیت ہے جسے واپس نہیں لیا جاتا، اور جسے یہ مل جائے اسے اس میں مکمل تصرف (مرضی چلانے) کا حق حاصل ہوتا ہے۔

اسی لیے اللہ تعالیٰ نے حضرت سلیمان علیہ السلام کے بارے میں فرمایا:

(هَذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ)

"یہ ہماری عطا ہے، اب تو (جسے چاہے) احسان کر یا روک رکھ، کچھ حساب نہیں۔"

یعنی یہ اللہ کی وہ عطا ہے جس میں آپ کو اپنی مرضی کے مطابق تصرف کا اختیار دے دیا گیا ہے۔

جنت اور لفظِ "عطاء"

اسی مناسبت سے قرآن مجید میں جنت کے ذکر کے ساتھ لفظ "عطاء" استعمال ہوا ہے، کیونکہ اہل جنت سے ان کی نعمتیں دوبارہ واپس نہیں لی جائیں گی اور انہیں وہاں ہر چیز میں تصرف کا اختیار ہوگا۔

اللہ تعالیٰ کا ارشاد ہے:

(وَأَمَّا الَّذِينَ سُعِدُوا فَفِي الْجَنَّةِ خَالِدِينَ فِيهَا... عَطَاءً غَيْرَ مَجْذُوذٍ)

"اور رہے وہ لوگ جو خوش بخت ہوئے، وہ جنت میں ہوں گے... یہ ایسی عطا ہے جو کبھی ختم نہ ہوگی۔"

اسی طرح سورہ النباء میں اہل جنت کی جزا کے بارے میں فرمایا:

(جَزَاءً مِّن رَّبِّكَ عَطَاءً حِسَابًا)

"آپ کے رب کی طرف سے صلہ ہے، ایسی عطا جو کافی ہے۔"

دنیا میں اللہ کی عطا

سورہ اسراء میں اللہ تعالیٰ نے ذکر فرمایا کہ دنیا میں اس کی عطا نیکوکاروں اور گناہ گاروں دونوں کے لیے ہے:

(كُلًّا نُّمِدُّ هَؤُلَاءِ وَهَؤُلَاءِ مِنْ عَطَاءِ رَبِّكَ وَمَا كَانَ عَطَاءُ رَبِّكَ مَحْظُورًا)

"ہم ان کی بھی اور ان کی بھی، آپ کے رب کی عطا سے مدد کرتے ہیں، اور آپ کے رب کی عطا (کسی پر) بند نہیں ہے۔"

قرآن کی بلاغت: مصدر اور فعل کا فرق

قرآن کریم کی فصاحت کا کمال یہ ہے کہ مذکورہ بالا تمام مقامات پر یہ لفظ مصدر (عطاء) کی صورت میں آیا ہے، نہ کہ "فعل" کی صورت میں کہ اللہ نے اسے اپنی طرف منسوب کیا ہو۔

علمِ زبان میں مصدر اور فعل کے درمیان فرق ہوتا ہے۔ مصدر کا استعمال فعل سے زیادہ قوی (مضبوط) سمجھا جاتا ہے، کیونکہ مصدر زمانے کی قید سے آزاد ہوتا ہے (یعنی اس میں ہمیشگی کا رنگ پایا جاتا ہے)۔

جہاں تک لفظ "عطاء" کا بطور فعل (یعنی اللہ کا خود عطا کرنا) تعلق ہے، تو یہ قرآن مجید میں صرف تین مقامات پر آیا ہے، جن میں سے ایک حضرت موسیٰ علیہ السلام کا قول ہے:

(قَالَ رَبُّنَا الَّذِي أَعْطَى كُلَّ شَيْءٍ خَلْقَهُ ثُمَّ هَدَى)

"کہا کہ ہمارا رب وہ ہے جس نے ہر چیز کو اس کی ساخت عطا کی پھر ہدایت دی۔"

یہاں "عطاء" (فعل کی صورت میں) ہر چیز کے لیے ہے۔ یہ ایک عام عطا ہے جو تمام مخلوقات کے لیے ہے، یعنی اللہ نے ہر چیز کو پیدا کیا اور اسے اس کی زندگی گزارنے کے تمام اسباب عطا کر دیے۔ یہ کسی خاص فرد یا گروہ کے لیے مخصوص نہیں بلکہ کائنات کی ہر مخلوق کے لیے عام ہے۔

اللہ تعالیٰ آپ سب کو سلامت رکھیں ۔

ثناءاللہ حسین ۔۔۔9/5/26.

آزمائش کا راستہ

 جنت میں کچھ ایسے مقام  ہیں کچھ ایسے درجے  ہیـں کچھ ایسی کرسیاں ہیں  جن تک نہ نماز کے جا سکتی ہے نہ دروازہ نہ حج وہاں تک صرف ایک ہی راستہ جاتا ہے وہ ہے

سورۃ البقرہ آیت نمبر 216

اللہ تعالیٰ سورۃ البقرہ آیت نمبر 216 میں ہمارے دلوں کو کتنی پیاری تسلی دیتا ہے:

📖 وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ

اور ہو سکتا ہے کہ تم کسی چیز کو ناپسند کرو اور اسی میں تمہارے لیے بھلائی ہو۔

زندگی میں اکثر ایسے موڑ آتے ہیں جب ہماری ساری سوچ اور پلاننگ دھری کی دھری رہ جاتی ہے۔ 

ہم کسی چیز کو شدت سے پانا چاہتے ہیں، اور جب وہ ہمیں نہیں ملتی تو ہم اندر سے ٹوٹ جاتے ہیں۔ 

ہم بار بار خود کو اذیت دیتے ہیں اور سوچتے ہیں کہ ہمارے ساتھ ہی ایسا کیوں ہوا؟

ایک بات ہمیشہ یاد رکھیں، 

ہمارا رب ہمارے آنے والے کل کو ہم سے بہت بہتر جانتا ہے۔ 

جو دروازہ آپ پر بند ہوا ہے، وہ دراصل آپ کو کسی بڑی تکلیف سے بچانے کے لیے بند کیا گیا ہے۔ 

اپنی سمجھ اور ادھوری خواہشوں کو اللہ کی کامل رضا کے آگے جھکا دیں۔ 

جب آپ دل سے یہ مان لیتے ہیں کہ آپ کے رب کا فیصلہ آپ کی چاہت سے بہت بہتر ہے، تو اندر کا سارا شور، بے چینی اور پریشانی فوراً خاموش ہو جاتی ہے۔

اللہ پاک ہمیں اپنی رضا پر راضی رہنے والا دل اور سچا سکون عطا فرمائے۔ آمین۔ 🤲🤍💚

#IdealLifePk  

 #IdealLifeCounseling

سورۃ الکھف

سورۃ الکھف پڑھنے سے پہلے میرے ذہن میں یہ سوال آتا تھا کہ آخر ہمیں کیوں ہر جمعے اس سورت کو پڑھنے کا کہا گیا ہے؟

اس سورت میں ایسا کیا ہے جو ہمیں دجال کے فتنے سے بچا سکتا ہے؟

انسان کا بہترین دوست

انسان کا سب سے بہترین دوست اللہ ہے

 جو مشکل ہو یا آسانی، رات ہو یا دن، کبھی بھی، کہیں بھی، کسی بھی حال میں اکیلا نہیں چھوڑتا۔ روٹھتا ہے تو بہت جلدی مان بھی جاتا ہے،

اللہ سے تعلق

تمہاری خلوت تمہیں جس طرف مائل کرتی ہے بس وہی تمہارے اندر کی اصلی حقیقت ہے ..! 

* اللہ سے اپنے تعلق کو لفظی اظہار میں نہیں نماز میں دیکھو..!

* جس کو نماز قضاء ہونے کا ملال لاحق ہو جائے وہ دنیا کے مال و ہوس کی فکر سے آزاد ہوتا ہے..!

* آزمائش تو بس تمہاری "میں" اکسانے آتی ہے .. اسے رب کے لئیے جھکا دینے میں تمہاری خود تم سے اور رب سے وفا اور نبھاہ ہے..!

* خلوت میں آنکھ کا آنسو رب کے احساس کو جگا دیتا ہے .. دل میں سوز رب کو پکار اٹھنے کی سکت عطا کرواتا ہے..!۔۔۔،

🖤________________❤️

#Allahuakbar 

#persian 

#literature 

#everyonefollowers 

#islamicstatus 

#islamiclife 

#poetrylovers 

#poetryreels 

#ادباء

قرآن کریم کے ساتھ کیسے جئیں؟

قرآن کریم کے ساتھ کیسے جئیں؟

1...."قرآن کے ساتھ جینے" کا مطلب یہ ہے کہ آپ اسے صرف روزانہ کی تلاوت کا حصہ نہ بنائیں، بلکہ اسے اپنی زندگی کا دستور (آئین) بنا لیں۔

Parah 01 - Surah Baqarah | پارہ نمبر 01

سورہ بقرہ

1۔ کتابِ ہدایت اور انسانی رویے (آیت 1 تا 20)

پارے کا آغاز اس اعلان سے ہوتا ہے کہ یہ کتاب (قرآن) شک سے پاک ہے اور صرف ان لوگوں کو راستہ دکھاتی ہے جو تقویٰ (خدا خوفی) رکھتے ہیں۔

Surah-e-Fateha | سورہ فاتحہ

 سورہ فاتحہ 

سورہ فاتحہ قرآن کریم کی پہلی اور سب سے اہم سورت ہے، جسے "ام القرآن" (قرآن کی ماں) اور "السبع المثانی" (بار بار دہرائی جانے والی سات آیات) بھی کہا جاتا ہے۔ یہ ایک مکمل دعا اور بندگی کا منشور ہے۔

1۔ اللہ کی حمد و ثنا اور ربوبیت (آیت 1-2)

حمد کی حقیقت: سورت کا آغاز "الحمد للہ" سے ہوتا ہے،

Principles of Success in Para 15 (Summary)

 پندرہواں پارہ (سورۃ بنی اسرائیل اور سورۃ الکہف کا ابتدائی حصہ) انسان کی حقیقی کامیابی کے چند بنیادی اصول واضح کرتا ہے

Mention of the ُProphets (AS) in the 12th Para

 بارہویں پارے میں انبیاء کرام علیہ السلام کا تذکرہ 

بارہویں پارے میں انبیاء کرام علیہم السلام کے واقعات اور ان کی دعوتِ حق کا نہایت مؤثر انداز میں تذکرہ کیا گیا ہے۔ اس پارے میں خاص طور پر حضرت نوحؑ، حضرت ہودؑ، حضرت صالحؑ، حضرت لوطؑ اور حضرت شعیبؑ علیہما السلام